ژنێکی تەمەن 62 ساڵانی بەریتانی تەنها لە مانگی ڕابردوودا تایەی زیاتر لە 100 ئۆتۆمبێلی تەقاندووە و دەشڵێت بەردەوام دەبێت لە سەر کارەکەی.
ژنە بەریتانییە تەمەن 62 ساڵانەکە ناوی ئانایە ئەندامە لە کۆمەڵەی The Tire Extinguishers و بە سکای نیوزی ڕاگەیاندووە، “زۆر توڕەم لە شۆفێری ئەو ئۆتۆمبێلانەی کە بوونەتە هۆی وێرانکردنی ئاو و هەوا، ئێمە پێویستمان لە سوپایەک لە ژن هەیە بۆ بەرەنگاربوونەوەیان”.
ئاماژەی بەوەش کرد، “من ئەو ئۆتۆمبێلانەی دەکەونە بەشی ڕۆژئاوای لەندەن دەکەمە ئامانج، کاتێک لە سەر کارەکەمەوە بە پاسکیل بەرەو ماڵەوە بەڕێدەکەوم ئەوانەی لە ڕێگەکەمدا دەیانبینم تایەکانیان لە هەوا بەتاڵ دەکەمەوە”.
ئاشکراشی کرد،” ئامادەم بچمە بەردەم دادگا تەنانەت زیندانیشم بکەن، بەڵام لە ڕێوشوێنەکانم دژی ئۆتۆمبێل ناوەستم کە هۆکارن بۆ ژەهراویکردنی ژینگە”.
جەختیشیکردەوە، “شەرم ناکەم لەو کارەی دەیکەم، دەمەوێت ڕایانبکێشم بۆ هۆشیاربوونەوەیان سەبارەت بە زیانەکانی ئۆتۆمبێل بۆ ژینگە و بەکارهێنانی ئەو بڕە زۆرەی بەنزین”.
