پڕۆژەی شوێنی تایبەت بە ئۆتۆمبێلی خاوەن پێداویستییە تایبەتەکان جێبەجێدەکرێت

بەڕێوەبەرایەتیی هاتوچۆی هەولێر پڕۆژەی دابینکردنی شوێنی تایبەت بە وەستاندنی ئۆتۆمبێل و شوێنی تایبەتی پەڕینەوە بۆ خاوەن پێداویستییە تایبەتەکان جێبەجێدەکات و وتەبێژی بەڕێوەبەرایەتییەکە دەڵێت، “لە دەستپێکردنیداین”.

لە لێدوانێکدا بۆ تۆڕی میدیایی ئێستا فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاند، پڕۆژەکە دەستپێشخەریی ئەوانە و بە هەماهەنگی لەگەڵ چەند بەڕێوەبەرایەتی و پارێزگای هەولێر جێبەجێی دەکەن.

ئاماژەی بەوەکرد، ئەو پڕۆژەیە هەنگاوەکانی یەکەمی دەستیپێکردووە و قۆناغ بە قۆناغ جێبەجێی دەکەن.

دوێنێ سێشەممە بەڕێوەبەرایەتیی هاتوچۆی هەولێر نووسراوێکی بڵاوکردەوە کە داوا لە پارێزگای هەولێر دەکات، ئەندامەکانیان دیاریبکەن بۆ لیژنەیەکی تایبەت بە دیاریکردنی شوێنی وەستاندنی ئۆتۆمبێل و شوێنی پەڕینەوەی تایبەت بە کەسانی خاوەن پێداویستیی تایبەت لە سەرجەم شوێنە گشتییەکان و فەرمانگەکاندا.

بابەتی پێشتر

 ژنێک بە هۆکارێکی سەیر تایەی 100 ئۆتۆمبێل دەتەقێنێت

بابەتی دواتر

حاڵەتەکانی دزینی سەرەمەنهۆڵ لە هەندێک گەڕەکی سلێمانی زیادیانکردووە

بابەتی پەیوەندیدار
Total
0
Share