سێ یاریزانی گرنگی یانەی لیڤەرپوڵ، بەهۆی پێکانەوە بەشداریی ڕووبەڕووبوونەوەی یانەی مانچستەر سیتی ناکەن.
بەپێی زانیارییەکانی تۆڕی “سکای سپۆرت”، یەکشەممەی داهاتوو یانەی لیڤەرپوڵ لە یاریگای خۆیدا “ئانفێڵد ڕۆدز” میوانداریی یانەی مانچستەر سیتی دەکات، لەو یارییە گرنگەشدا سێ یاریزانی لیڤەرپوڵ بەهۆی پێکانەوە بەشداری ناکەن.
سیانەی پێکراو بریتین لە ئەلیکساندەر ئاڕنۆڵد، جوێل ماتیپ، لویس دیاز.
ئاڕنۆڵد و ماتیپ بۆ ماوەی دوو هەفتە چارەسەر وەردەگرن، بەڵام پێکانی لویس دیازی کۆڵۆمبی قورسە و وادەی چارەسەربوونی تاوەکو دوای مۆندیالی 2022ی قەتەر دەخایەنێت.
پێکانەی سیانەی “ڕێدز” لەم ساتە هەستیارەی وەرزی 2022/2023 لێدانێکی قورس دەبێت لە پلانەکانی یۆرگن کلۆپ، کە لە کۆی هەشت یاری تەنها 10 خاڵی کۆکردووەتەوە و کەوتووەتە پلەی دەیەمی ڕیزبەندیی پریمەرلیگەوە.
