بەرپرسێكی ئێرانی ڕایدەگەیەنێت، یەكەم فڕۆكەی نەفەرهەڵگری دروستكراوی وڵاتەكەی لە ماوەی سێ ساڵی داهاتوودا دەخرێتە خزمەتەوە.
محەمەد محەمەدی بەخش، سەرۆكی ڕێكخراوی فڕۆكەوانیی مەدەنی ئێران ڕایگەیاند، یەكەم فڕۆكەی نەفەرهەڵگریی دروستكراوی ئێران لە سێ ساڵی داهاتوودا دەخرێتەكار.
وتیشی، “سەرەڕای ئەنجامدانی وتووێژ لەگەڵ رۆژئاواییەكان، ئەمریكا و ئەوروپا رێوشوێنی ئەرێنییان بەرامبەر كەرتی فڕۆكەوانیی مەدەنی نەگرتووەتەبەر، بەڵكو سزای نوێیان لە بواری فڕۆكەوانیدا سەپاندووە”.
محەمەدی بەخش ئەوەشی خستەڕوو، لە ئۆكتۆبەری ساڵی رابردوودا، 98 فڕۆكەمان هەبوو كە لە بواری گەشتی ئاسمانیی وڵات كاریدەكرد، ژمارەكە لەماوەی ساڵێكدا بۆ 175 فڕۆكە زیادیكرد.
