وتەبێژی حکومەتی هەرێمی کوردستان ڕونکردنەوە دەدات سەبارەت بە هۆشدارییەکی ئیسرائیل کە ڕایگەیاندبوو، “بەرژەوەندی و هاوڵاتیانی لەلایەن ئێرانەوە لە هەرێمی کوردستان دەکرێنە ئامانج”.
جوتیار عادل، وتەبێژی حکومەتی هەرێم لە ڕاگەیەنراوێکدا ئەمڕۆ 5 ی کانونی یەکەم دەڵێت، ” لەم ڕۆژانەدا ئۆفیر گێنلدمان، وتەبێژی سەرۆک وەزیرانی ئیسرائیل بۆ کاروباری میدیای عەرەبی، لە تویتێکدا باسی لەوە کردبوو کە ئەگەری ئەوە هەیە کۆماری ئیسلامی ئێران هێرش بکاتە سەر هاووڵاتیانی ئیسرائیلی لە چەند وڵاتێکی وەک ( جۆرجیا ، ئازەربایجان ، تورکیا ، ئيمارات ، بەحرەین و هەرێمی کوردستان)”.
وتەبێژی حکومەتی هەرێم وتوشیەتی، “بۆ ئاگاداری هەموو لایەک و وەک چەندین جاری تریش ڕامانگەیاندووە ئیسرائیل هیچ بەرژەوەندیەکی لە هەرێمی کوردستان نییە و هیچ هاووڵاتییەکی ئیسرائیلیش لە هەرێمی کوردستان نین، بۆیە ئەم لێداونە بە هەر مەرامێک درا بێت رەتدەکەینەوە و لە ڕاستییەوە دوورە”.
تویتەکەی بەرپرسەکەی ئیسرائیل لەبارەی هەرێمی کوردستانەوە
على ضوء التهديدات الإيرانية الأخيرة وتورط جهات إيرانية في تنفيذ عمليات إرهابية في دول مختلفة تحذر هيئة مكافحة الإرهاب من قيام إيران باستهداف مصالح إسرائيلية في دول قريبة من إيران مثل كل من جورجيا وأذربيجان وتركيا والإمارات والبحرين وكردستان العراق ودول في الشرق الأوسط وإفريقيا.
— Ofir Gendelman (@ofirgendelman) December 3, 2020
