لە گامبیا 66 منداڵ بەهۆی خواردنەوەی جۆرێکی شرووبی کۆکەوە گیانیان لەدەستدا، ڕێکخراوی تەندروستی جیهانیش هۆشداری لەبەکارهێنانیی دەدات.
بەپێی ڕێکخراوی تەندروستی جیهانی لەماوەی ڕابردوودا لە گامبیا، 66 منداڵ دوای خواردنەوەی جۆرێک لە شرووبی کۆکە گیانیان لەدەستدا، کە بەرهەمی کۆمپانیای میدین فارمسیتیکاڵی هندییە.
تەندروستیی جیهانی ئاشکرایکرد، “لەدوای بەکارهێنانی دەرمانەکە منداڵەکان دووچاری لەکارکەوتنی گورچیلە هاتوون، بەو هۆیەوە گیانیان لەدەستداوە”.
ئاماژەی بەوەشکرد، “بەگوێرەی پشکنینە سەرەتاییەکان شرووبەکە، بڕێکی پەسەندنەکراوی ماددەی ئەیسیلین گلایکۆڵ تێدایە، کە ماددەیەکی ژەهراوییە”.
لای خۆیەوە وەزارەتی تەندروستی هیندستان ڕایگەیاند، “تائێستا تەندروستی جیهانی هیچ بەڵگەیەکی لەبارەی تۆمەتبارکردنی کۆمپانیا هیندییەکە بۆ ڕەوانە نەکردووین”.
