دواینیوەڕۆی ئەمڕۆ لە شارەدێی هەریر شەڕ لەنێوان دوو بنەماڵەدا ڕوویدا وتا ئێستا سێ کەس کوژراون و دوو کەسی دیکەش برینداربوون.
محەمەد ئامۆکەیی بەرپرسی ڕاگەیاندنی بەڕێوەبەرایەتی تەندروستی شەقڵاوە بە تۆڕی میدیایی ئێستای ڕاگەیاند، “دواینیوەڕۆی ئەمڕۆ لە شارەدێی هەریر شەڕ لەنێوان دوو بنەماڵەدا ڕوویدا و تەقەیان بەڕووی یەکدا کردووە”.
وتیشی، ” تائێستا سێ کەس کوژراون، کە دووانیان دایک و کوڕن و دوو کەسی دیکەش برینداربوون، تەرمەکان بۆ پزیشکی دادوەری گواستراونەتەوە”.
بەپێی زانیارییەکان، تائێستا شەڕەتەقە لە سنوورەکە بەردەوامی هەیە، بەڵام هێزە ئەمنییەکان گەیشتوونەتە شوێنەکە و لە هەوڵی کۆنتڕۆڵکردنی دۆخەکەدان.
