دادگای تێهەڵچوونەوەی دهۆک، بڕیاری لەسێدارەدانی بۆ بکوژی ئاخینکی شەش ساڵان و باوکی دەركرد.
ئاخینك كچێكی كوردی ئێزدیی ئاوارەی تەمەن شەش ساڵان بوو، لەگەڵ فاروق میرزا خەلەفی تەمەن 42 ساڵی باوکی لە ڕۆژی چواری مانگی ئابی ڕابردوودا لە زاخۆ بێسەروشوێنبوون.
دوای چەند ڕۆژێك تەرمەكانیان دۆزرانەوە و دەركەوت لە لایەن کەسێکەوە کوژرابوون، دواتر پۆلیسی دهۆك دەستگیركردنی تۆمەتباری كوشتنیانی ڕاگەیاند.
ئەمڕۆ چوارشەممە دادگای تێهەڵچوونەوەی دهۆک، دوایین دانیشتنی دادگاییكردنی تۆمەتبارەكەی ڕێكخست و بڕیاری لەسێدارەدانی بۆ بکوژی ئاخینک و باوکی دەركرد.
