توێژینەوەیەك ئاشكرایدەكات سەرلەنوێ خەوتنەوە، پاش لێدانی زەنگی بەئاگاهێنانەوە، لێدانی دڵ زیاددەكات، بەهۆی دووبارەبوونەوەی زەنگ لێدانەكە، ئەمەش فشار لەسەر دڵ دروستدەكات.
بەپێی توێژینەوە ئەمریكییەكە، شەش لە كۆی دە كەس كلیك لە ئۆپشنی دواخستنی زەنگ دەكەن، پاش لێدانی یەكەم زەنگی بەیانیان.
دەشڵێت، “چەندێك تاك كاتێكی زیاتر لە جێگادا بمێنێتەوە پاش یەكەم بەئاگاهاتنەوەی لەخەو، ئەوەندە لێدانەكانی دڵی زیاددەكات، ئەمەش گرفتی تەندروستی بەدوادێت”.
بەپێی شارەزایان، زیادبوونی بەردەوامی لێدانی دڵ گرێدراوی چەندین كاریگەریی تەندروستیی نەرێنییە، لەوانەش نەخۆشی شەكرە و نەخۆشییەكانی دڵ.
سەرەڕای هۆشدارییە بەردەوامەكانی شارەزایان لەبارەی دورخستنەوەی مۆبایل لە ژووری نووستن، ئەنجامەكان دەریدەخەن بەكارهێنانی مۆبایل وەك بەئاگاهێنەوە چوار هێندە زیاترە لە كاتژمێری كلاسیكی.
