توێژینەوەیەكی نوێ گەیشتە ئەنجامێكی زانستی و ئەو رۆژەی هەفتە دیاریدەكات كە زۆرترین تووشبوون بە جەڵتەی دڵ تیایدا روودەدات.
رۆژنامەی (سەن) بڵاویكردەوە، شارەزایان پێیانوایە یەكەم رۆژی سەرەتای هەفتە زۆرترین جەڵتەی تیا روودەدات و هۆكاری مەترسیدارییەكەشی دەگەڕێتەوە بۆ گۆڕان لە شێوازی خەوتنی رۆژانە و كاریگەریی لەسەر جەستە، ئەمەش پاش پشووی كۆتایی هەفتە.
ئەوانەی كاریان بەهاناوەچوونە دەڵێن، ئەنجامدانی توێژینەوەی زیاتر لەسەر ئەم دیاردەیە، هاریكاردەبێت بۆ رزگاركردنی گیانی كەسانی دیكە لە ئایندەدا.
زانایان تۆمار و زانیارییەكانی زیاتر لە 10 هەزار نەخۆشیان لە نەخۆشخانەكانی سەرتاسەری ئێرلەندا بۆ ماوەی پێنج ساڵ تاوتوێكرد و ئەگەرەكامی تووشبوون بە جەڵتەی دڵیان لەهەر رۆژێك لە رۆژەكانی هەفتە ئەژماركرد.
ئەوان “پەیوەندییەكی بەهێز”یان بەدیكرد لەنێوان سەرەتای هەفتەی كار و مەترسیدارترین جۆرەكانی جەڵتەی دڵ.
لای خۆیەوە پرۆفیسۆر نیلیش سمانی، لە دامەزراوەی دڵی بەریتانی داوایكرد توێژینەوەی زیاتر ئەنجامبدرێت و وتی، “ئەنجامدانی رەنگە ببێتە هاریكاری پزیشكان بۆ تێگەیشتن لەو دۆخە مردن هێنەرە و، رزگاركردنی زۆرتری گیانی ئەوانی دیكە”.
