لەگەڵ هاتنی مانگی رەمەزان بەشێک لە رۆژوەوانان بەدەست بۆنی ناخۆشی ناودەمیان دەناڵێنن، بەڵام دەکرێت بە چەند رێگایەکی ئاسان خۆتی لێدەرباز بکەیت یان لایەنی کەم کەمیبکەیتەوە لەوانەش:
-رێگری لە وشکبوونەوە بکە، وشکبوونەوەی جەستە بەهۆی کەمبوونەوەی شلەمەنی لە جەستەدا و بە تایبەت لەناودەمدا بۆنی ناخۆش دروستدەکات، بۆ رزگاربوون لەمەش لەدوای کاتی بەربانگ بڕێکی باش ئاو بخۆرەوە.
-ددانەکانت دوو جار لە رۆژێکدا بشۆ، ئەو مەعجونانە بەکاربهێنە کە فلۆرایدی تێدایە.
-بۆ پاککردنەوەی ئەو پاشماوانەی دەچنە نێوانی ددانەکان، بەردەوام پەتیی ددان پاککردنەوە بەکاربهێنە، دواتریش پاکژکەرەوەی ناو دەم بەکاربهێنە.
-لە خواردنی شیرینی دووربکەوەرەوە، لەبری ئەوە گرنگی بە خواردنی میوە بدە.
-جوینی بنێشتێک کە شەکری تێدا نییە.
-دوورکەوتنەوە لەو خواردنانەی کە بۆنی زۆریان هەیە، وەک سیر و پیاز.
