پیاوێکی ئەمریکی لە ویلایەتی پەنسلڤانیای ئەمریکا لەکاتی خواردنی گوێچکە ماسییەک مروارییەکی دۆزییەوە کە نرخەکەی زیاتر لە چوار هەزار دۆلارە.
بەپێی پێگەی سکای نیوز، پیاوێکی ئەمریکی بەناوی سکۆت ئۆڤەرلاند، لە کاتی پشووی هەفتەدا لەگەڵ ئەندامانی خێزانەکەی ڕوویان لە چێشتخانەی “سەڵت ئەیر” کردووە، بەمەبەستی خواردنی ژەمێک گوێچکە ماسی، بەڵام لەکاتی نان خواردندا مروارییەکی گرانبەها کەوتووەتە دەمییەوە”.
سکۆت دەڵێت، “کاتێک سەرقاڵی نان خواردن بووم هەستم بە شتێکی ڕەقی شیرینی بچووک کرد لەناو دەممدا، سەرەتا هەستم کرد پارچەیەک شیرینییە، بەڵام کاتێک سەیرم کرد ڕەنگێکی بریقەداری مۆرباوی هەبوو”.
بەوتەی شارەزایانی بواری خشڵ و بەردە بەنرخەکان، نرخی مروارییەکە دەگاتە نزیکەی 4071 دۆلارە.
