دەسەڵاتدارانی ئەندەنوسیا ڕایانگەیاند، کە بەهۆی گرژی و ئاڵۆزی لەنێوان هاندەرانی دوو یانەی ئەو وڵاتە دوای کۆتاییهاتنی یاریەکی تۆپی پێ 129 کەس گیانیان لەدەستداوە.
ڕووداوەکە دوای یارییەکی دێربی لەنێوان هەردوو یانەی ئاریما و پێرسبایا سورابایا بووە، دوای ئەوەی یانەی ئاریما تووشی شکست بووە لە یارییەکەدا، ئاڵۆزی لەنێوان هاندەرانی هەردوولا دروستبووە.
ئاماژە بەوەشکراوە، لەدوای یارییەکە هاندەران چوونەتە ناو یاریگاکەوە و ڕووبەڕووی یەکتر بوونەتەوە، لە یاریگاکەدا بەشێک لە یاریزانانی یانەی ئاریما هێرشیان کراوەتەسەر.
بەهۆی ئاڵۆزییەکانەوە، 129 کەس گیانیان لەدەستداوە و 180 کەسیش بریندار بوون، پۆلیس بە گازی فرمێسک ڕێژ کۆتایی بە ئاڵۆزییەکان هێناوە.
