یانەی ئارسیناڵ لەنێو یاریگای خۆیدا یاریی هەفتەی هەشتەمی خولی نایابی ئینگلتەرای بەرامبەر تۆتنهام هۆتسپێرز ئەنجامدا، یارییەکە بە بردنەوەی ئارسیناڵ کۆتاییهات.
ئەمڕۆ شەممە، لە چێوەی یارییەکانی هەفتەی هەشتەمی خولی نایابی ئینگلتەرا “پریمەرلیگ”، یانەی ئارسیناڵ لە یاریگای “ئیماراتس” میوانداریی تۆتنهامی کرد، یارییەکە بە ئەنجامی سێ گۆڵ بەرامبەر بە گۆڵێک لە بەرژەوەندیی ئەستێرەکانی مایکڵ ئارتێتا کۆتاییهات.
گۆڵەکانی “گانەرز” لە خولەکەکانی 20، 49، 67 لەلایەن تۆماس پارتی، گابریێل جیسۆز، گرانیت شاکا-وە تۆمارکران، گۆڵەکەی “سپێرز” لە خولەکی 31 لەلایەن هاری کەینەوە تۆمارکرا.
بەپێی ئەنجامە تۆمارکراوەکە، ئارسیناڵ بە کۆکردنەوەی 21 خاڵ لە پلەی یەکەمی ڕیزبەندیی پریمەرلیگ جێگیر بوو، یانەی تۆتنهام بە 17 خاڵەوە لە پلەی سێیەمدا بەردەوام بوو.
