لەئەنجامی تەقینەوەیەکدا لەکاتی ئەنجامدانی تاقیکردنەوەیەکی زانستی لە هەرێمی کەتەلۆنیای ئیسپانیا، 15 کەس برینداربوون.
لەگرتە ڤیدیۆیەکدا دەردەکەوێت، لە شاری جیرۆنای هەرێمی کەتەلۆنیای ئیسپانیا چەند کەسێک سەرقاڵی ئەنجامدانی تاقیکردنەوەیەکی زانستین بە نایترۆجینی شل.
وەک لە گرتەکەدا دەردەکەوێت، یەکێک لە ئەنجامدەرانی تاقیکردنەوەکە لەو کاتەدا کە دەیەوێت بەرمیلێکی سپی بکات بەسەر بوتڵی نایترۆجینە شلەکەدا لەو کاتەدا بوتڵەکە دەتەقێتەوە و دەنگ و دووکەڵێکی زۆری لێبەرزدەبێتەوە.
لەئەنجامی ڕووداوەکەدا 15 کەس برینداربوون کە نۆیان منداڵ بوون و سەرجەمیان برینەکانیان لە جۆری سووتانە.
نایترۆجینی شل، ماددەیەکی کیمیایی ساردە، دەکرێت لە پلەی گەرمی سارددا پارێزگاری لێبکرێت، گەر بەشێوەی زانستی و دروست مامەڵەی لەگەڵ نەکرێت، دەبێتە هۆی سووتانی پێست.
https://www.youtube.com/watch?v=ZQUQzk2z4KI
