بڕیارێكی ئەپڵ لەبارەی ئایفۆن 15ـەوە سامسۆنگی نیگەرانكردووە، كۆمپانیا ئەمریكییەكە بەنیازە ئایفۆن 15 ئەڵترا دروستبكات.
ماڵپەڕی “The Verge” تایبەت بە هەواڵ و بابەتی ئەلیكترۆنی ئاشكرایكرد، لە مۆدێلی ئایفۆن 15دا، كۆمپانیای ئەپڵ “ئایفۆن 15 ئەڵترا” بەرهەمدەهێنێت و دەبێتە شوێنگرەوەی ئایفۆن پرۆماكس.
لەبارەی ئامێرە نوێیەكەی ئەپڵەوە، ماڵپەڕی “soyacincau” دەڵێت، ئەپڵ ئەو بیرۆكەیەی لە “سامسۆنگ”ی ڕكابەرییەوە وەرگرتووە و ئەگەر بە فەرمی ئەو جۆرە مۆبایلە بخاتە بازاڕەوە، پێدەچێت ناكۆكی لەگەڵ كۆمپانیاكەی كۆریای باشووردا بۆ دروستببێت، چونكە دەبێتە ڕكابەری “گالاكسی ئێس 22 ئەڵترا”.
