سەرچاوەیەکی ئەمنی لە شاری موسڵ ئاشکرایکرد، کەسێکیان دەستگیرکردووە کە 11 پەڕەی وەهمی لە تۆڕی کۆمەڵایەتیی فەیسبوک هەبووە و پارەی لە بەرپرسان وەرگرتووە.
ئاماژە بەوەکراوە، ئەو کەسە لەڕێگەی سێ مۆبایلی جیاوازەوە ئەو پەڕانەی فەیسبوکی بەڕێوەبردووە، لەڕێگەیەوە بە فێڵ پارەی لە بەرپرسان و سەرمایەدارەکان وەرگرتووە.
باس لەوەشکراوە، ژمارەیەک لە بەرپرسان پەیوەندییان بەو کەسەوە کردووە و زانیارییان دژ بە بەرپرسانی دیکە پێداوە.
ئەو کەسە لەسەر سکاڵای ژمارەیەک لەو کەسانە دەستگیرکراوە کە فێڵی لێکردوون، ئەوەش ئاشکراکراوە، تۆمەتبار دووەم گەورەترین کەسە کە لەو جۆرە فێڵانەی کردووە و لەمساڵدا دەستگیرکراوە.
