بەهای نەوتی خاو لە جیهاندا بە ناجێگیری ماوەتەوە و كۆبوونەوە چاوەڕوانكراوەكەی ئۆپیك پڵەس و پرسی كۆرۆنا یاری بە بەهای نەوت دەكەن، خاوی برێنتیش لە 48 دۆلاردا ماوەتەوە.
هاوكاتی بڵاوكردنەوەی ئەم هەواڵە بۆ ئەمڕۆ پێنجشەممە 3ی كانونی یەكەم، نرخی یەك بەرمیل نەوتی خاوی برێنت بەرامبەرە بە 48 دۆلار و 29 سەنت و بەرەو بەرزبوونەوە دەڕوات.
هەروەها نەوتی خاوی ڕۆژئاوای تێكساس (ئەمریكا) یەك بەرمیلی بەرامبەرە بە 45 دۆلار و 30 سەنت و هێماكەی سەوزە.
بڕیارە ئەمڕۆ ڕێكخراوی ئۆپیك و ڕوسیا كۆبوونەوەیەك ئەنجامبدەن بە مەبەستی داڕشتنی سیاسەتی نەوتیی ڕێكخراوەكە بۆ ساڵی 2021، بەگوێرەی ئاژانسی ڕۆیتەرز ئەو كۆبوونەوەیەی ئۆپیك پڵەس كاریگەری لەسەر بەهای نەوت لە جیهاندا هەبێت.
