بەغداد بڕە پارەیەكی بۆ هەرێمی كوردستان نارد و هەفتەی داهاتوو دابەشدەكرێت

بەڕێوەبەری گشتیی بازرگانیی هەرێم ڕایدەگەیەنێت، بەغداد پارەی گەنمی جوتیارانی بۆ ساڵی 2022 ناردووە و لە هەفتەی داهاتووەوە دەست بە دابەشكردنی دەكرێت.

نەوزاد شێخ كامیل بەڕێوەبەری گشتیی بازرگانیی هەرێم، ڕایگەیاند، “چەكی دوا بڕە پارەی جوتیاران بۆ ساڵی 2022 گەیشتووەتە دەستمان كە بریتییە لە 34 ملیار و 613 ملیۆن و 77 هەزار دینار و بەم میكانیزمە كۆتایی بە پارەی جوتیاران بۆ ساڵی 2022 دێت و لە سەرەتای هەفتەی داهاتووەوە دوای تەواوكردنی ڕێكارە كارگێڕی و داراییەكان، دەست بە دابەشكردنی دەكرێت”.

پارەی گەنمی جوتیاران بەم شێوەی لای خوارەوە بەپێی شارەكان دابەشكراوە:-

سلێمانی: هەشت ملیار و 798 ملیۆن دینار

هەولێر: 22 ملیار و 687 ملیۆن دینار .

دهۆك: سێ ملیار و 128 ملیۆن و 77 هەزار دینار .