پەیامنێری تۆڕی میدیایی ئێستا لە شاری کەرکوک گواستییەوە، لەگەڕەکى پەنجا عەلى شارى کەرکوك نزیک قوتابخانەى سەڵباتوو، ئاگر لە ماڵێک کەوتەوە، بەهۆیەوە سێ منداڵ گیانیان لەدەستدا.
بە گوێرەی ئەو زانیارییانەی دەست پەیامنێرمان کەوتووە، ئاگرەکە بەهۆی شۆرتی کارەباوە دروستبووە و بەهۆی دووکەڵی ئاگرەکەوە منداڵەکان خنکاون.
تەندروستی کەرکوک خنکانی سێ منداڵەکەی پشتڕاستکردووەتەوە و ئاماژەی بەوەکرردووە، ناویان جەنە و شەمس و ئەزەل بووە و تەمەنیان لە نێوان سێ بۆ 13 ساڵان بووە.
