پۆلیسی سلێمانی دەستگیرکردنی تۆمەتبارێکی بە رەگەز عەرەبی راگەیاند کە هەڕەشەی لە کەسێکی دیکە کردووە.
بەڕێوەبەرایەتیی پۆلیسی سلێمانی بڵاویکردەوە، ” دوای ئەوەی هاوڵاتییەك پەیوەندی بە هێڵی گەرمی 104 بەشی پۆلیسی فریاكەوتنی سلێمانییەوە كرد كە لەلایەن كەسێكەوە هێرشی كراوەتە سەر و میلی دەمانچەی لێڕاكێشراوە،مەفرەزەكانی بەشی پۆلیسی فریاكەوتنی سلێمانی گەیشتنە شوێنی رووداوەكە و توانرا تۆمەتبار دەستگیربكرێت و دەستیشبگیرێت بەسەر چەكێكی جۆری دەمانچە كە بەتۆمەتبار بووە”.
ئاماژەی بەوەشکرد، “لە ئێستادا تۆمەتبار(و،ن،ل لەدایكبووی 1987 بەناسنامە عەرەب) بە بڕیاری دادوەر راگیراوە و لەلایەن بنكەی پۆلیسی سەراوە پەڕاوی لێكۆڵینەوەی بۆ كراوەتەوە”.
