دەسەڵاتی ئەمریکا ڕایگەیاند، دوو فڕۆکەی بچووک لە نزیک شاری دینفێر لە ئاسماندا بەیەکیاندا کێشاوە و بەهۆیەوە سێ کەس گیانیان لەدەستداوە.
پۆلیسی پۆڵدر لەبارەی ڕووداوەکەوە ئاشکرایکردووە، لە ناو یەکێک لە فڕۆکە تێکشاوەکاندا تەرمی دوو لە سەرنشینەکانی دۆزراونەتەوە، لە شوێنێکی دیکەش لە فڕۆکەی تێکشکاوی دووەمدا تەرمی سەرنشینێک دۆزراوەتەوە.
پێکدادانەکە لە ئاسماندا و دوێنێ شەممە ڕوویداوە، تا ئێستا ناسنامەی ئەو کەسانەی گیانیان لەدەستداوە نەزانراوە، لێکۆڵینەوە لە هۆکاری ڕووداوەکە و ناسینەوەی قوربانییەکانیش دەکرێت.
