هونەرمەندێكی میسری ڕایدەگەیەنێت، بەهۆی مەترسییەکانی لەسەر تەندروستی، ماوەی 17 ساڵە ئاوی نەخواردووەتەوە.
سەماح ئەنوەر هونەرمەندی میسری لە چاوپێکەوتنێکی تەلەفزیۆنیدا ڕایگەیاند، “بەهۆی ئەو پێکهاتانەی لە ئاودا هەیە و مەترسی لەسەر ژیانم دروستدەکات، ماوەی 17 ساڵە ئاوم نەخواردووەتەوە، چونکە گەر ئاو بخۆمەوە هەست بە ئازارێکی زۆر دەکەم لە سکمدا”.
وتیشی، “بۆ قەرەبووکردنەوەی ئەو ئاوە، میوە و سەوزەوات دەخۆم، ئاوی کانزایی بێ شەکر، خواردنەوە گەرمەکان پاش ئەوەی ئاوەکەی بە باشی کوڵا و دڵنیابوومەوە هیچ میکرۆبی تێدانەماوە، دەخۆمەوە”.
ئەو هونەرمەندە باسیلەوەشکرد، “ئەو کەسانەی بەردەوام ئاو دەخۆنەوە، زیاتر دووچاری نەخۆشی بوون”.
