كارلۆ ئەنچیلۆتی ڕاهێنەری ڕیاڵ مەدرید پێیوایە لایپزیگ ئێستا تیپێكی باشەو خاوەنی كۆمەڵێك هێرشبەری بەتوانان.
ستایشی ئاستی بەرزی ڤینیسیۆس و ڕۆدیگێری بەرگریكاری كرد و جەختیشی كردەوە كە توڕەبونی ئاسینسیۆ قبوڵكراوە بەڵام پێویستە ڕاهێنانی باش بكات.
ڕەتیشیكردەوە واز لە ڕاهێنەرایەتی ڕیاڵ مەدرید بهێنێت و ئامانجی ئەوەیە پابەند بیت بەگرێبەستەكەیەوە.
بەشێك لە قسەكانی ئەنچیلۆتی
/ یارییەكی قورسە بۆ ڕیزبەندی گروپەكە، لایپزیگ سەرەتا كێشەی هەبوو، بەڵام ئێستا باشترن، لە هێڵی پێشەوە كوالیتی بەرزیان هەیە و خێراش یاریی دەكەن.
/ ڤینیسیۆس سەلامەتە، لە كێشەكانی یەك شەممە ڕزگاری بووە، ئێمە قسە لەسەر شتی دەرەكی ناكەین باسی شێوازی یاریكردنی دەكەین.
/ ئامانجەكە ئەوەیە بەردەوام بین ئەگەر سەركەوتوو بوین، تیپێكی باشمان هەیە و ڕكابەری هەموو ناسناوەكان دەكەین، تۆ نازانێت لەداهاتوودا چێ ڕوودەدات.
/ كاردانەوەی ئاسینسیۆ بۆ یاریی نەكردنەكەی ئاسایی بوو، باشیش بوو، ئەو بە باشی ڕاهێنانی كرد، كاردانەوە پێویستی بە ڕاهێنان كردن هەیە، سبەی بەرامبەر دۆرتمۆند چانسی یاریكردنی هەیە.
/ ئێمە بیر لە هیچ هێرشبەرێكی تر ناكەینەوە لە ئێستادا، تەركیزمان لەسەر یاریزانەكانی خۆمانە.
/ هێرشبەرەكانی لایپزیگ بەهێزن، ئەگەر ڕێگەیان پێ بدرێت تواناكانی خۆیان پیشان بدەن زیانت پێ دەگەیەنن.
/ ڤینیسیۆس بەرەو پێشچونی بەرچاوی بەخۆوە بینیوە، ئەوەی گرنگە ئەوەیە تەركیز بكاتە سەر یارییەكان.
/ ڕۆدریگێر خیبرە و توانای بردنەوەمان بۆ دەهێنێت، هێڵی بەرگرییمان بەوەوە باشترە.
/ كەریم بنزیمە چانسی ئەوەی هەیە پێش دێربی چاكبێتەوە، بە دڵنیاییەوە بەرامبەر ئەتلەتیكۆ یاریی دەكات.
