لە چێوەی پێشبڕکێکانی جیهان، ماکس ڤێرشتاپنی هۆڵەندی شۆفێری تیمی “ڕێد بوڵ” پلەی یەکەمی پێشبڕکێی مۆنزای بەدەستهێنا.
ئەمڕۆ یەکشەممە، پێشبڕکێی “جی پی ئیتاڵیا” لە مەیدانی مۆنزا ئەنجامدرا کە پێشبڕکێی ژمارە (16)یە لە چێوەی پێشبڕکێکانی وەرزێکی “فۆرمولا 1″، لە ئەنجامدا ماکس ڤێرشتاپنی شۆفێری تیمی “ڕێد بوڵ” بردنەوەی تۆمار کرد و بەسەر چارڵ لوکلێری شۆفێری تیمی فێراری-دا سەرکەوت.
A fifth straight win for Max Verstappen 🏆🏆🏆🏆🏆#ItalianGP #F1 pic.twitter.com/AYpykOMnUR
— Formula 1 (@F1) September 11, 2022
بەم بردنەوەیە، شۆفێرەکەی هۆڵەندا لە پلەی یەکەمی ڕیزبەندیی شۆفێراندا جێگیربوو و بە جیاوازی 115 خاڵەوە پێشبڕکێی سەنگافورە لە “مارینا بەی” ئەنجام دەدات، ئەوەش هیچ هیوایەکی بۆ تیمی فێراری نەهێشتەوە بگەڕێتەوە نێو چێوەی کێبڕکێکان بۆ پلەی یەکەم.
لەسەر ئاستی شۆفێرانیش، ڤێرشتاپن بە بردنەوەی پێشبڕکێی سەنگافورە لە مانگی تشرینی یەکەمەوە (10) ناسناوی پاڵەوانی وەرز یەکلایی دەکاتەوە.
