ئەوروپا مانگێکی دەستکرد دروستدەکات کە تێچووەکەی چوار ملیار دۆلارە، یەکەم جۆرە کە بتوانێت پێشوەختە هۆشداریبدات لە شەپۆلە سەختەکانی کەشوهەوا و دورستبوونی کارەسات لە جیهاندا.
مانگی دەستکردنی (M.T.G.I 1) کە ماوەی 12 ساڵە ئاژانسی بۆشایی ئاسمانی ئەوروپا و ڕێکخراوی ئەوروپا بۆ پێشبینییەکانی کەشوهەوا کە 30 وڵاتی تێدایە پەرەیان پێداوە، لە کۆتایی ئەمساڵدا لەسەر مووشەکی ئاریان5 ڕەوانە دەکرێت.
مانگە دەستکردەکە کێشەکەی 3.8 تۆن دەبێت، لە ساڵی داهاتوودا وێنەی نوێ و ڕوون دەنێرێت.
زانایان هیوادارن کە مانگە دەستکردەکە بتوانێت پێشوەختە لە کارەساتە سروشتییەکان ئاگاداریان بکاتەوە و بتوانرێت زیانەکانی زەوی کەمبکرێتەوە و ژیانی خەڵک ڕزگاربکرێت.
