چوار كەس گیانیان لەدەستدا و 15ی دیكەش برینداربوو بەهۆی ڕوداوێكی شێلان بە ئۆتۆمبێل لە شاری تریر-ی ویلایەتی ڕاینلاند پالاتینات-ی ڕۆژئاوادی ئەڵمانیا و پۆلیسیش دەڵێت، تۆمەتبارەكە دەستگیركراوە.
سەرەتای ڕوداوەكە كە ئەمڕۆ سێشەممە 1ی كانونی یەكەم بوو دەسەڵاتدارێتی شارەكە ئاشكرایكرد كەسێك بووەتە قوربانی، بەڵام دواتر ئامارەكە زیادیكرد و وتەبێژ بەناوی پۆلیس ئاماژەی بەوەكرد كە ئۆتۆمبێلێك ژمارەیەك خەڵكی لە ناوچەی تایبەت بە ڕێبواران شێلاوە و لە ئاكامدا چوار كەس گیانیان لەدەستداوە و نزیكەی 15ی دیكەش برینداربوون و دوپاتیشیكردەوە كە “هۆكاری پشت ڕوداوەكە ڕوون نییە” و لێكۆڵینەوەكان لەگەڵ شۆفێری ئۆتۆمبێلەكە بەردەوامە.
بەپێی ئەوەی میدیاكان بڵاویانكردووەتەوە تۆمەتبارەكە بەڕەگەز ئەڵمانییە و تەمەنی 51 ساڵە.
ساتی دەستگیركردنی تۆمەتباری ڕوداوەكە:
Auto rast in Trier (D) in Fussgängerzone – Zwei Tote#breaking #news #breakingnews #deutschland #germany #trier #rheinlandpfalz pic.twitter.com/U1PwTkEqy6
— Pierruno (@PierrunoYT) December 1, 2020
لە 9ی تشرینی دووەمی ڕابردووش ڕوداوێكی چەقۆوەشاندن لە ڕۆژئاوای ئەڵمانیا ڕویدا و بەهۆیەوە چەند كەسێك برینداربوون، بەڵام لێكۆڵینەوەكان دواتر ئاشكرایانكرد كە بەهۆی كێشەیەكی خێزانییەوە بووە.
