ئەمڕۆ لەناو فڕۆکەخانەی هانیدای نێودەوڵەتی لە تۆکیۆی پایتەختی ژاپۆن دوو فڕۆکە بەیەکیاندادا و بەپێی زانیارییەکان سەرنشینانی یەکێک لە فڕۆکەکە بێسەروشوێنن.
میدیاکانی ژاپۆن بڵاویانکردەوە، فڕۆكەیەکی نەفەرهەڵگری ژاپۆنی له‌كاتی گه‌شتكردنیدا له‌سه‌ر ڕێڕه‌وی فڕین له‌گه‌ڵ فڕۆكه‌یه‌كی پاسه‌وانی كه‌ناراوه‌كاندا بەیەکیانداداوە و به‌هۆی پێكدادانه‌كه‌شه‌وه ئاگری گرتووه.
ئاشکراشیانکرد، لەناو فڕۆکەخانەکەدا توانراوە 367 سەرنشینی فڕۆکە نەفەرهەڵگرەکە رزگاربکرێن، بەڵام باس لەوە دەکرێت پێنج کەس لە تیمی فڕۆکەی کەناراوەکان بێسەروشوێنن.
تا ئێستا هۆکاری پێدادانی دوو فڕۆکەکە ئاشکرانەکراوە و لێکۆڵینەوەکانی دەزگا ئەمنییەکانی ژاپۆن دەستیانپێکردووە.
