لێدوانی تین هاگ لەسەر كڕینی یاریزان و داهاتووی ڕۆناڵدۆ

تین هاگی ڕاهێنەری مانچستەر یونایتد ستایشی ئیدارەی یانەكەی كرد بۆ جێبەجێكردنی داواكارییەكانی و تەئكیدی كردەوە كە ئێستا ئەوان گۆڕانكاری ڕیشەییان كردووە و توانای ڕكابەرییان هەیە.

وتیشی: كریستیانۆ ڕۆناڵدۆی پورتوگالی دڵخۆشە بە مانەوەی لە مانچستەر و ئێمەش دڵخۆشین كە بڕیاری مانەوەی داوە، ئەو لەگەڵ هەموو شێوازێكدا دەگونجێت.

بەشێك لە قسەكانی تین هاگ

/ ڕۆناڵدۆ دڵخۆشە كە لێرەیە ، ئامانجمان سەركەوتنە لەم وەرزەدا

/ ڕۆناڵدۆ یاریزانێكی گەورەیە، دڵنیام لەگەڵ هەموو شێوازێكدا دەگونجێت

/ پێویستم بەوە نییە ڕونكردنەوە بدەم لەسەر گونجاندنی ڕۆناڵدۆ لەگەڵ یاریكردنی ئێمەدا

/ چەند جارێك قسەم لەگەڵ ڕۆناڵدۆ كردووە، هەروەها لە ڕاهێنانەكان بینیومە توانایەكی بەرزی هەیە و دەتوانێت لەگەڵ پلانەكانمان بگونجێت

/ ئەنتۆنی یاریزانێكی گرنگە بۆ ئێمە و روحییەتێكی شەڕانگێزی هەیە

/ ئێمە و ڕۆناڵدۆ لە یەك بەرەداین

/ پلانی سەرەتامان دیاریكردنی كێشەكانی یانەكە و پێداویستییەكانی بوو، دواتر ناوەكانمان هەڵبژارد

/ پێویستمان بەوە بوو پارەی زیاتر خەرج بكەین بۆ ئەوەی ڕكابەری لە نێوان یاریزانەكان دروست ببێت، ئێستا ئێمە خواستێكی زۆرمان هەیە بۆ بردنەوە و سەركەوتن، ئەو پارەیەی خەرج كرا پێویست بوو.

/ كێشەكانی تیپەكەم زۆر بە ڕوونی خستە بەردەم ئیدارەی مانچستەر ، پێكهاتەی تیپەكەمان شیكردەوە.

/ ئێستاش پێویستمان بە بەهێزكردنی هێڵی پێشەوە هەیە، ئێمە لەمڕۆوە هەفتەی دوو یاریی ئەنجام دەدەین، پێویستمان بە زۆرترین یاریزان هەیە، یاریزانمان دەوێت جۆری جیاواز و كوالیتی جیاواز بێت.

بابەتی پێشتر

بیانبەن بۆ سلێمانی با مافەکانیان پارێزراوبێت<br>پارێزەرانی زیندانییانی بادینان داوای گواستنەوەیان دەکەن

بابەتی دواتر

بەهۆی ئەوەی ژنێکی دووگیانی هیندی گیانیلەدەستدا وەزیری تەندروستیی پۆرتوگال دەستیلەکارکێشایەوە

بابەتی پەیوەندیدار
زیاتر ببینە

گریلیش مانچستەر سیتی شۆک کردووە

چەندین یانەی گەورە خواستیان لەسەر گواستنەوەی جاک گریلیش یاریزانی یانەی ئەستۆن ڤێلا نیشانداوە، یاریزانەکەش گرنگی بە ئۆفەرەکان نادات.…
Total
0
Share