بەڕێوەبەرایەتیی کارەبای سلێمانی پڕۆژەی نۆژەنکردنەوەی تۆڕی کارەبای شەقامی سالم دەستپێدەکات، بۆ ئەو مەبەستەش بڕی زیاتر لە 537 ملیۆن دیناری تەرخانکردووە.
لە ڕاگەیەندراوێکدا بەڕێوەبەرایەتیی گشتیی کارەبای سلێمانی ڕایگەیاند، پڕۆژەی نۆژەنکردنەوە و ڕێکخستنەوەی شەقامی سالم و ڕووناککردنەوەی بە سێ قۆناغ دەبێت و بڕی 537 ملیۆن و 557 هەزار دیناری بۆ تەرخانکراوە.
بەپێی ڕاگەیەندراوەکە پڕۆژەکە ئێستا دوو قۆناغیان دەستیپێکردووە، کە لە لەپردی ڕەئوف بەگەوە دەستپێدەکات تاوەکو دووڕیانی سەرچنار، تیایدا ستوونە کۆنەکان لادەبرێن و ستوونی نوێی بۆ دادەنرێت و گڵۆپەکانیشی لەسۆدیۆمەوە دەگۆڕدرێت بۆ جۆری لید.
ئاماژە بەوەکراوە، ئەو سیستمە نوێیە کارەبای کەمتر سەرفدەکات و بە سیستمی تایم زۆن کاردەکات.
