بەڕێوەبەرایەتیی پۆلیسی هەولێر بڵاویكردووەتەوە، كەسێك بە تۆمەتی شكاندنی جامی چەند ئۆتۆمبێلێك و دزینی بڕێك پارە و كەلوپەلی گرانبەها دەستگیرا.
بەپێی ڕاگەیەندراوێكی بەڕێوەبەرایەتیی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، بەشی پۆلیسی فریاكەوتن، تۆمەتبارێكیان دەستگیركرد كە تۆمەتبارە بە شكاندنی جامی چەند ئۆتۆمبێلێك و دزینی لاپتۆپێك و بڕێك پارە و كەلوپەلی گرانبەها لە نێو ئۆتۆمبێلەكان لە گەڕەكی نەورۆز.
لە ڕاگەیەندراوەكەدا هاتووە، تۆمەتبارەكە ڕادەستی نووسینگەی نەهێشتنی تاوانی ڕاستی كراوە و پەڕاوی لێكۆڵینەوەی بۆ ڕێكخراوە و ڕەوانەی دادگا كراوە بەپێی ماددەی 446 لە یاسای سزادانيش ڕاگیرا.
