له چێوه‌ی یارییه‌کانی هه‌فته‌ی دووه‌می خولی نایابی ئینگلته‌را بۆ وه‌رزی 2022/2023، یانه‌ی چێڵسی له یاریگای خۆیدا به‌رامبه‌ر تۆتنهام یه‌کسان بوو.
ئەمشه‌و یه‌کشەممە، لە چێوەی یارییەکانی هەفتەی دووه‌می خولی نایابی ئینگلتەرا “پریمه‌رلیگ”، یانەی چێڵسی له یاریگای “ستامفۆرد بریج” میوانداریی تۆتنهامی هاوسێی کرد، یارییەکە بە ئه‌نجامی یه‌کسانبوون (2-2) کۆتاییهات.
گۆڵه‌کانی “بلوز” له خوله‌که‌کانی 19، 77 له‌لایه‌ن کالیدۆ کۆلیبالی و ڕیس جه‌یمسه‌وه تۆمارکران، گۆڵه‌کانی “سپێرز” له خوله‌که‌کانی 68، 90 له‌لایه‌ن پیێر ئیمێل هۆیبێرگ و هاری که‌ینه‌وه تۆمارکران.
بەپێی ئەنجامە تۆمارکراوەکه، تۆتنهام به کۆکردنه‌وه‌ی چوار خاڵ بۆ پله‌ی چواره‌می ڕیزبه‌ندیی یانه‌کانی “پریمه‌رلیگ” سه‌رکه‌وت، یانه‌ی چێڵسی ڕکابه‌ریشی به چوار خاڵ و جیاوازی گۆڵ له پله‌ی حه‌وته‌مدا جێگیر بوو.
