دوای ئەوەی قاچی شكا.. ترەمپ هیوای چاكبوونەوەی خێرا بۆ بایدن دەخوازێت

دۆناڵد ترەمپ و جۆ بایدن

سەرۆكی ئەمریكا هیوای زوو چاكبوونەوەی بۆ سەرۆكی هەڵبژێردراو خواست، پاش ئەوەی شكانێكی بچوك لە قاچی بایدن-دا ڕاگەیەنرا.

دۆناڵد ترەمپ، سەرۆكی ئەمریكا ئەمڕۆ دووشەممە 30ی تشرینی دووەم لە تویتێكدا پەیامەكەی بڵاوكردەوە و لەگەڵیشیدا ڤیدیۆی ساتی دەرچوونی جۆ بایدن،ی سەرۆكی هەڵبژێردراوی لە كلینكێكی پزیشكیی تایبەت بە ئێسك بڵاوكردەوە، كە تیایدا چەندین پشكنینێكی بۆ كراوە، وەك ئەوەی نوسینگەكەی بڵاویكردەوە.

پێكانەكەی بایدن ڕۆژی شەممە پاش یاریكردنی بووە لەگەڵ سەگەكەی، كە بەپێی نوسینگەكەی بەهۆیەوە پاژنەی پێی توشی زیان بووە.

پزیشكەكەی بایدن داوای لە سەرۆكی هەڵبژێردراو كردووە بۆ ماوەی چەند هەفتەیەك پێڵاوی پزیشكی لەپێبكات، پاش ئەوەی وێنەی تیشكیی شكانێكی بچوكی لە پێی چەپیدا دەرخستووە.

بڕیارە بایدن لە 20ی كانونی دووەمی ساڵی داهاتوو سوێندی یاسایی بخوات و بەمەش دەبێتە بەتەمەنترین سەرۆك لە مێژووی ویلایەتە یەكگرتووەكاندا.

بابەتی پێشتر

داعش لە سەڵاحەدین هێرشی كرده‌سه‌ر سوپای عێراق

بابەتی دواتر

پەرلەمانی كوردستان كۆچی گەنجان تاوتوێدەكات

بابەتی پەیوەندیدار
Total
1
Share