ژمارەیەك لە هاوڵاتییانی گوندی شێراوە لەسنووری پارێزگای هەولێر داوای دامەزراندن لە كۆمپانیایەكی بواری نەوت دەكەن و ڕووبەڕووبوونەوە لەنێوان هێزە ئەمنییەكان و هاوڵاتییاندا ڕوویدا، بەهۆیەوە كەسێك گیانیلەدەستدا و دوو كەسی دیكەش برینداربوون.
پەیامنێری تۆڕی میدیایی ئێستا لە هەولێر گواستیەوە، ئەمڕۆ ژمارەیەك لە هاوڵاتییانی گوندی شێراوە لە دەشتی هەولێر داوای دامەزراندنیان لە كۆمپانیایەكی بواری نەوت كرد و بەهۆیەوە ڕووبەڕووبوونەوە لە نێوان هێزە ئەمنییەكان و هاوڵاتییانی گوندەكە ڕوویداوە.
ئاماژەی بەوەشكرد، لە ڕووبەڕووبوونەوەكاندا كەسێك گیانیلەدەستدا و دوو كەسی دیكەش برینداربوون.
