نووسەری بەریتانیی بە ڕەچەڵەک هیندی سەلمان ڕوشدی، لە میانی بەشداریکردنی لە بۆنەیەکدا لە نیویۆرک لەلایەن کەسێکەوە بە چەقۆ هێرشکرایەسەری، تا ئێستا دیارنییە گیانیلەدەستداوە یاخود نا.
سەرچاوە میدیاییەکانی ئەمریکا بڵاویانکردەوە، سەلمان ڕوشدی لەکاتێکدا وتاری پێشکەشکردووە لە میانی بەشداریکردنی لە بۆنەیەکدا لە شاری چوتاکۆ، کە دەکەوێتە ویلایەتی نیویۆرک، لەلایەن کەسێکەوە بە چەقۆ هێرش کراوەتەسەری.
بەپێی سەرچاوەکان کەسەکە چووتە سەر شانۆ و لەبەرچاوی ئامادەبوواندا هێرشی کردووەتەسەر نووسەرە هیندییەکە.
ئێران لە ساڵی 1989 فەتوای حەڵاڵکردنی کوشتنی سەلمان ڕوشدی دەرکردووە، ئەوەش دوای ئەوەی کتێبی “ئایەتە شەیتانییەکان”ی بڵاوکردەوە.
