حكومەتی بەریتانیا بە فەرمیی وشكەساڵی لە چەند ناوچەیەكی وڵاتدا ڕاگەیاند.
ستیف دوبڵ وەزیری سەرچاوەكانی ئاوی بەریتانیا ڕایگەیاند، “بۆ هەموو ئەگەرێك خۆمان ئامادەكردووە و چاودێريی دۆخەكە دەكەین، بەڵام كاریگەریی وشكەساڵییەكە زیان بە بەرهەمی جوتیاران و ژینگەی وڵات دەگەیەنێـت”.
ئاماژە بەوەشكراوە، وشكەساڵییەكە ڕووی لە ناوچەكانی باشوور و ناوەڕاستی وڵات كردووە.
ئەمساڵ بە بەراورد بە ساڵانی ڕابردوو پلەكانی گەرما لە بەریتانیا بەرزبووەنەوەی بەخۆوە بینیوە.
