لوبنانییەكان بۆ عێراقییەكان: با سێو بە گاز بكەین

لوبنان پێشنیاز بۆ عێراق دەكات ئاڵوگۆڕی بازرگانی لە نێوان هەردوو وڵاتدا پەرەی پێبدرێت و سێو لە بەرامبەر سووتەمەنیدا بگۆڕنەوە.

دەستەی لوبنانی بۆ چارەسەركردنی پرسەكانی گەشەپێدان كە لە ژوورەكانی بازرگانی، پیشەسازی و كشتوكاڵ پێكدێت ڕایگەیاند، پێشنیازیكردووە سێو هەناردەی عێراق بكرێت و لە بەرامبەردا گازوایل و سووتەمەنیی پێویست بۆ بەرهەمهێنانی كارەبا هاوردە بكات.

لە ڕاگەیەندراوێكی فەرمیدا دەستە لوبنانییەكە دەڵێت، پێشنیازكراوە حكومەتی لوبنان سێو لە جوتیارانی وڵاتەكەی بكڕێتەوە و ڕەوانەی عێراقی بكات، حكومەتی عێراق-ـیش سووتەمەنی هەناردەی لوبنان بكات.

لوبنان لە بەرهەمهێنانی كارەبادا پشت بە سووتەمەنیی عێراقی دەبەستێت، وەلید فەیاز وەزیری وزەی لوبنان دەڵێت، “هاوردەكردنی سووتەمەنی لە عێراق-ـەوە بۆ نیوە كەمبووەتەوە و لە 80 هەزار تۆنی مانگانەوە دابەزیوە بۆ 40 هەزار تۆن، هۆكارەكەشی جیاوازیی نرخە”.

بابەتی پێشتر

بانكی ناوەندیی هەرێم لە سلێمانی: كۆمپانیای نالیا هیچ قەرزێكی بۆ حكومەت نەگەڕاندووەتەوە

بابەتی دواتر

چێوەی هەماهەنگی كۆبوونەوەیەكی بەپەلە ئەنجامدەدات

بابەتی پەیوەندیدار
زیاتر ببینە

لیژنه‌ی دارایی په‌رله‌مانی عێراق ده‌قی ڕێككه‌وتنه‌كه‌ی له‌باره‌ی پشكی هه‌رێمه‌وه‌ په‌سه‌ند كرد

له‌ كۆبوونه‌وه‌ی لیژنه‌ی دارایی په‌رله‌مانی عێراقدا به‌ سه‌رۆكایه‌تیی حه‌لبوسی، ده‌قی ئه‌و ڕێككه‌وتنه‌ په‌سه‌ندكرا كه‌ له‌باره‌ی پشكی هه‌رێمه‌وه‌ ئه‌نجامدراوه‌.…
Total
0
Share