لە ڕانیە ڕووداوێکی هاتوچۆ لە نێوان دوو ئۆتۆمبێلدا ڕوویدا، بەهۆیەوە هەردوو شۆفێرەکە برینداربوون.
ڕووداوەكە بەیانیی ئەمڕۆ ڕوویداوە و بەشی ڕاگەیاندن و ھۆشیاریی بەڕێوەبەرایەتیی ھاتوچۆی ڕاپەڕین لەبارەیەوە دەڵێت، ئەمڕۆ ڕووداوێكی هاتوچۆ لە جۆری پێکدادان لە ترافیکی نەورۆز لە ڕانیە ڕوویدا.
بەپێی ڕاگەیەندراوی ڕاگەیاندن و ھۆشیاریی بەڕێوەبەرایەتیی ھاتوچۆی ڕاپەڕین، ڕووداوەكە لە نێوان دوو ئۆتۆمبێلی جۆری تویۆتا پیک ئاب هایلۆکس و شۆڤرلێت تاهۆدا ڕوویداوە و لە ئەنجامی ڕووداوەکەدا دوو کەس برینداربوون كە شۆفێری هەردوو ئۆتۆمبێلەكەن.
