خوان لاپۆرتا سەرۆكی بەرشلۆنە، چاڤی هێرناندێز ڕاهێنەری بەرشلۆنە كۆكن لەسەر ئەوەی پێویستە مێسی بگەڕێتەوە بۆ ئێسپانیا.
بەهۆی قەیرانی دارایی و بەهۆی زۆری موچەكەیەوە، ئیدارەی یانەی بەرشلۆنە ناچار بوون دەستبەرداری مێسی ببن.
مێسی بۆ دوو وەرز پەیوەندی كردووە بە یانەی پاریس سانجێرمانەوە و ئەتوانێت وەرزی سێیەمیش گرێبەستەكەی درێژ بكاتەوە.
خوان لاپۆرتا سەرۆكی بەرشلۆنە دوپاتیكردەوە كە ئەو قەرزاری مێسییە و بەهەرشێوەیەك بێت دەیگەڕێنێتەوە بۆ یانەكە.
وتیشی: “مێسی دەبێت لە كامپ نو ماڵئاوایی لە هاندەران بكات و ئێمە قەرزاری ئەوین.”
لای خۆشیەوە چاڤی هێرناندێز ڕاهێنەری بەرشلۆنە دوپاتیكردەوە كە ئەگەر گەڕانەوەی مێسی لەسەر قسەی ئەو وەستابێت ئەوا بە دڵنیاییەوە پشتگیری دەكات.
وتیشی: “وەرزی داهاتوو هەوڵ بۆ گەڕانەوەی دەدەین و دەمانەوێت لێرە كۆتایی بە كاروانی وەرزشی خۆی بهێنێت.”
