هاوكات لەگەڵ خۆپیشاندانەكەی ناوچەی سەوزی بەغداد، موقتەدا سەدر پەیامێكی بڵاوكردەوە و دەڵێت، گەندەڵی بە گەندەڵییەكی وەكخۆی دژایەتی ناكرێت.
موقتەدا سەدر ڕێبەری ڕەوتی سەدر تویتێكی بڵاوكردەوە و ڕایگەیاند، گەندەڵی بە گەندەڵییەكی وەكخۆی دژایەتی ناكرێت، چاكسازیی گشتی نایەتەدی بەبێ چاكسازی خود.
سەدر كە بەشی زۆری تویتەكەی تایبەتكردووە ڕێنوێنی ئایینی بەهۆی نزیكبوونەوەی مانگی موحەڕەم و یادی عاشورا وتیشی، گه‌نده‌ڵی له هه‌موو عێراقدا بڵاوبووه‌ته‌وه، پێویسته بانگخوازان سەرنجیان لەسەر گوێڕایەڵی خودا بێت و پەیڕەوی بنه‌ما ئاینیه‌كان بكه‌ن.
تویتەكە هاوكاتە لەگەڵ دەستپێكردنی ئەو خۆپیشاندانەی پاش نیوەڕۆی ئەمڕۆ لە بەغداد لەلایەن لایەنگرانی ڕەوتی سەدر دەستیپێكرد و تیایدا خۆپیشاندەران هەڵیانكوتایەسەر ناوچەی سەوز و تائێستا بەردەوامە.
— مقتدى السيد محمد الصدر (@Mu_AlSadr) July 27, 2022
