کارلۆ ئەنچیلۆتیی ڕاهێنەری یانەی ڕیاڵ مەدرید، دەرگای ڕۆیشتنی بۆ سێ یاریزان کردووەتەوە و هەموو ئەگەرەکان بەو ئاراستەیەن هیچ چانسێکی یاریکردنیان پێنەدات.
بەپێی زانیارییەکانی ڕۆژنامەی “موندۆ دیپۆرتیڤۆ”، ئەلڤارۆ ئۆدریزۆلا و ماریانۆ دیاز و بۆرخا مایوڕاڵ خواستی ئەنچیلۆتی-یان لەسەر نییە، دوای ئاگادارکردنەوەیان لەلایەن ئیدارەی ڕیاڵ مەدریدەوە، کارلۆ ئەنچلۆتیش بە کردار دەرگای گواستنەوەی بەڕوویاندا کردووەتەوە.
ئۆدریزۆلا لە ئامادەکارییەکانی سەرەتای وەرزدا بووە بە یەدەگی سێیەم لە دوای لوکاس ڤاسکێز و ڤینیسیۆز توبیاس، بۆرخا مایوڕاڵ و ماریانۆش چانسی یاریکردنیان پێنەدراوە، کە ئەوەش پەیامێکی ڕاستەوخۆیە و پێویستە یاریزانەکان یانەیەکی نوێ بدۆزنەوە.
سەرچاوەکە بەدووری نازانێت ماریانۆ بەهەر شێوەیەک بێت بەردەوام ببێت، بەڵام دوو یاریزانەکەی دیکە هیچ چانسێکیان نەماوە.
