لیژنەی کستوکاڵ و ئاو و زۆنگاوەکان لە پەرلەمانی عێراق هۆشداری لە وەستان و ئیفلیجبوونی تەواوەتی کەرتی کشتوکاڵ دەدات لە عێراق، لە ئەگەرێکدا بارانبارینی وەرزی زستانی داهاتوو زۆر باشنەبێت.
لیژنەکە ڕایگەیاندووە، ئاستی ئاوی عەمبارکراوی عێراق بۆ 20 ملیار مەتر سێجا کەمبووەتەوە، ئەگەر بارانی وەرزی داهاتوو کەموکوڕییەکان پڕنەکاتەوە کێسەی گەورە لە عێراق دروستدەبێت.
بەپێی هەڵسەنگاندنەکانی لیژنەکە بە پشتبەستن بە داتا بەردەستەکان، عێراق بە خراپترین دۆخی وشکبوونەوە و کەمئاویدا تێدەپەڕێت لە ماوەی 70 ساڵی ڕابردوودا، بەهۆی بەردەوامیی وڵاتانی دراوسێ لە دروستکردنی بەنداوەکان و پڕۆژەکانی گلدانەوەی ئاو، بەبێ گوێدانە کاریگەرییەکانی لەسەر عێراق.
لیژنەکە داوای لە سێ سەرۆکایەتییەکە کردووە کارتەکانی فشار بەرامبەر وڵاتانی دراوسێ بەکاربهێنێت، بە پشتبەستن بە ڕێککەوتننامە نیودەوڵەتییەکان سەبارەت بە دابەشکردنی ئاو لەنێوان وڵاتاندا.
هەروەها داوای چارەسەرکردنی مەترسییەکانی کەمبوونەوە، پیسبوونی ئاو بەتایبەتی لە ناوچەکانی باشووری عێراق و فراوانبوونی بەبیانبوون دەکات، بەتایبەت کاریگەرییەکانی لەسەر کۆچی بەکۆمەڵی دانیشتووانی ئەو ناوچانە، سەرەڕای مەترسیی زۆر لەسەر ئیفلیجبوونی تەواوەتی کەرتی کشتوکاڵ لە عێراق.
