ئەمینداری گشتیی ئەنجومەنی وەزیرانی عێراق ڕوونكردنەوە لەبارەی زیادكردنی مووچەی فەرمانبەران دەدات و دەڵێت، حكومەت بەنیازی دەستكاریكردنی مووچەی فەرمانبەران.
حەمید غەزی، ئەمینداری گشتیی ئەنجومەنی وەزیرانی عێراق بە میدیا عێراقییەكانی وتووە، ئەنجومەنی وەزیران بەنیازە دەستکاریی مووچەی فەرمانبەرانی دەوڵەت بکات بەجۆرێک لەگەڵ بارودۆخ وگوزەرانی ئێستای وڵات بگونجێت.
ڕوونیشیكردەوە، جیاوازی لەنێوان وەزارەتەکان کەمدەکرێتەوە و بۆ ئەو مەبەستەش پڕۆژەیاسایەک ئامادەکراوە و بەمنزیکانە ڕەوانەی ئەنجومەنی نوێنەران دەکرێت بەمەبەستی پەسەندکردنی.
