بەڕێوەبەرانی یانەی چێڵسی ئینگلیزی توڕەن لە یانەی بەرشلۆنە، بڕیاریانداوە ڕێگری لە گواستنەوەی ئازپیلیکوێتا و ئەلۆنسۆ بۆ یانە کەتەلۆنییەکە بکەن.
ڕۆژنامەی سپۆرتی کەتەلۆنی ئاشکرای کردووە، چێڵسی لە ماوەی ڕابردوودا ڕێککەوتنی لەگەڵ جول کوندیی بەرگریکاری فەرەنسی یانەی ئیشبیلیە، هەروەها ڕافینیا و عوسمان دێمبیلی کردووە، بەڵام خوان لاپۆرتای سەرۆکی بارسا ئاراستەی گواستنەوەکانی بۆ بەرشلۆنە پێچەوانە کردووەتەوە.
لە بەرامبەر دەستپێشخەریی بەرشلۆنەدا، بەڕێوەبەرانی “بلوزی لەندەن” بڕیاریانداوە لەژێر هیچ فشارێکدا دەستبەرداری سیزار ئازپیلیکوێتا و مارکۆس ئەلۆنسۆ نەبن، تاوەکو لە هاوینی 2022 پەیوەندی بە پێکهاتەی چاڤی هێرناندێزەوە بکەن.
بەرشلۆنە ئامانجی ئەوە بووە جگە لە جول کوندی، ئازپیلیکوێتا و ئەلۆنسۆ لە یانەی چێڵسی-یەوە دابین بکات.
