دوایین كۆنگرەی ڕۆژنامەوانی تین هاگ لەسەر دۆخی مانچستەریونایتد

تین هاگ جەختی لەوە كردەوە كە ئامانجی ئەوەیە تۆپی پێیەكی هێرشبەری دروستبكات و پێشیوایە هێشتا پێكهاتەكەی لە یاریزانی گونجاوی كەمە.

لە كۆنگرەیەكی ڕۆژنامەوانیدا، تین هاگی ڕاهێنەری مانچستەر یونایتد باسی لە چەند پرسێكی جیاوازكرد.

تین هاگ دوپاتیكردەوە كە ئەو ئاگای لە دۆخی ڕۆناڵدۆ نییە و هەروەك هەفتەی ڕابردوو هیچ شتێك نەگۆڕاوە.

وتیشی: پێویستمان بە یاریزانی نوێ هەیە بۆ ئەوەی بژاردەی زیاتر و كوالیتی بەرزتر لە تیپەكەدا هەبێت.

جەختیشی كردەوە لەوەی كە ئەو ئامانجی ئەوەیە تیپێكی هێرشبەری دروستبكات و بەردەوام یانەكانی بەرامبەری بخاتە ژێر فشارەوە.

ئاماژەی بەوەشدا كە بردنەوەی یەكەم یاریی خولی ئینگلتەرا زۆر گرنگە بۆ ئەوان.

بەشێك لە وتەكانی تین هاگ

/ ئێمە پێویستەمان بەوەیە پیكهاتەكەمان بەهێزتر بكەین، یاریزانی باشمان هەیە بەڵام پێویستمان بە چەند پێكهاتەیەكی باشە ، دەمەوێت یاریزانی گونجاو بۆ خۆم بدۆزمەوە.

/ دڵخۆشین بە گرێبەست كردن لەگەڵ ئیریكسندا

/ دەگەڕێین بەدوای یاریزانی گونجاو بە شێوازی یاریكردنمان

/ نازانم كەی ڕۆناڵدۆ دەگەڕێتەوە، دۆخەكە هەروەك هەفتەی ڕابردووە

/ فەلسەفەی ئێمە پێشكەشكردنی تۆپی پێیەكی هێرشبەرانەیە

/ لە ئاستی یاریزانەكانی پێشەوە و ناوەڕاست ڕازیم، بەڵام پێویستمان بە یاریزانی تر هەیە

/ مارتینێز و ئیریكسن بەزووترین كات پەیوەندی بە ڕاهێنانەكانی مانچستەرەوە دەكەن و پێموایە زوو لەگەڵ هاوڕێ نوێیەكانیان ڕادێن.

/ هێشتا كات ماوە بۆ ئەوەی گرێبەستی نوێ ئەنجام بدەین

/ هەمیشە بیرم لای یەكەم یاریی بوە لەخولدا، سەرەتا پێویستە ئەو یارییە ببەینەوە و بە بەهێزی دەستپێبكەین.

بابەتی پێشتر

وردەكاریی دۆخی كریستیانۆ ڕۆناڵدۆ

بابەتی دواتر

ئەدهەم بارزانی: ناهێڵن بگەڕێمەوە بۆ هەرێمی كوردستان و بەنیازم بچمە بەغداد

بابەتی پەیوەندیدار
Total
0
Share