دانی ئالڤێزی بەڕازیلی و ئەستێرەی پێشووی یانەی بەرشلۆنە، پەیوەندی بە یانەی کلەب یونیڤێرسیداد ناسیوناڵی مەکسیکی-یەوە دەکات.
ماڵپەڕی “ئەی ئێس مەکسیکۆ” ئاشکرای کردووە، دانی ئالڤێز لەگەڵ یانەی کلەب یونیڤێرسیداد ناسیوناڵی مەکسیکی ناسراو بە “یونام پوماس” ڕێککەوتنی کردووە، بڕیارە سبەینێ هەینی بگاتە مەکسیک و گرێبەستەکەی واژۆ بکات.
بەپێی ڕێککەوتنەکە، ئالڤێز بۆ ماوەی وەرزێک لە ڕیزەکانی پوماس یاری دەکات، پاشان مافی ئەوەی دەبێت وەرزێکی دیکە نوێی بکاتەوە، لەو کاتەشدا تەمەنی دەبێتە 41 ساڵ و وازهێنانی یەکجارەکی ڕادەگەیەنێت.
یونام پوما یانەیەکی مەکسیکی پلە یەکە، لەم وەرزەدا لە کۆی سێ یاری بردنەوەیەک و دوو یەکسانبوونی تۆمار کردووە، لە خشتەی ڕیزبەندیی یانەکانی مەکسیکدا لە پلەی هەشتەمدایە.
