دوای هەژدە ساڵ جیابوونەوە جێنیفەر لۆپێز هاوسەرگیریی لەگەڵ خۆشەویستە کۆنەکەی کرد

بەبێ هیچ ئاهەنگێکی هاوسەرگیری یان ڕاگەیاندنی فەرمی، جێنیفەر لۆپێز و بین ئەفلیک هاوسەرگیرییان کرد.

بەپێی ئەو تۆمارانەی لە دادگاوە بڵاوبوونەتەوە، ئەفلیک و لۆپێز ڕێکارەکانی هاوسەرگیرییان ڕۆژی یەکشەممە کۆتاییهاتووە.

تۆمارەکان دەریدەخەن جێنیفەر لۆپێز ناوەکەی گۆڕیوە بۆ جێنیفەر ئەفلیک.

پەیوەندیی نێوان لۆپێز و ئەفلیک دەگەڕێتەوە بۆ ساڵی 2003 کە ئامادەکارییان بۆ هاوسەرگیری کرد، بەڵام بەرلە ئەنجامدانی هاوسەرگیرییەکە لە ساڵی 2004دا جیابوونەوەیان ڕاگەیاند، جێنیفەر لۆپێز تەمەنی 52 ساڵە و بین ئەفلیک تەمەنی 49 ساڵە.

لە ساڵی ڕابردوودا ئەو دوو ئەستێرەیە گەڕانەوەیان بۆلای یەک و دەستپێکردنەوەی پەیوەندییەکەیان ڕاگەیاند.

ئەفلیک لە ساڵی 2005 لەگەڵ ئەستێرەی ئەمریکی جێنیفەر گارنەر هاوسەرگیری کرد و دوای سێ منداڵ لە ساڵی 2018 لەیەک جیابوونەوە.

بەڵام لۆپێز تائێستا سێ جار هاوسەرگیریی کردووە، لە ساڵی 1997 یەکەم هاوسەرگیریی کرد و ساڵی 1998 جیابووەوە، هاوسەرگیریی دووەمی لە ساڵای 2001 بوو لە ساڵی 2003 جیابووەوە لە هاوسەگریریی دووەمی دوو منداڵی هەیە.