قائیمقامیەتی دوكان ڕایدەگەیەنێت، ئەو بەشە بەنزینەی ئەمڕۆ گەیەندراوەتە قەزای دوكان دوا پشكنین دەركەوتووە زۆر خراپ بووە بڕیاردراوە بگەڕێندرێتەوە.
بەپێی ڕاگەیەندراوێكی قائیمقامیەتی قەزای دوكان تێیدا هاتووە، دوای ئەوەی لیژنەی سووتەمەنیی قائیمقامییەت نموونەی ئەو بەنزینە 800 دینارییەی وەرگرت ڕەوانەی پشكنین كرا، دەركەوتووە دەركەوت كوالێتییەكەی زۆر خراپ بووە و كەڵكی ئەوەی نەبووە بەكاربهێنرێت.
بۆیە بە بڕیاری قائیمقام بەنزینەكە گەڕێنرایەوە و داواكرا لە بەڕێوەبەرایەتیی نەوت و كانزاكان لایەنی كەمتەرخەم سزابدرێت.
