لە هەڵەبجە، مامۆستایانی قوتابخانەكان و هەروەها فەرمانبەرانی پەروەردەی شارەكە بایكۆتی دەوامیان كرد.
ئەمڕۆ لە هەڵەبجە، مامۆستایانی قوتابخانەكان و هەروەها فەرمانبەرانی پەروەردەی شارەكە بایكۆتی دەوامیان كردووە و ناڕازین لە دواكەوتنی مووچە.
هەڵوێستی مامۆستایان و فەرمانبەرانی پەروەردەی هەڵەبجە بەهۆی دواكەوتنی دابەشكردنی مووچەی مانگی ڕابردووەوەیە، كە تا ئێستا دەست بە دابەشكردنی نەكراوە.
تا ئێستا حكومەتی هەرێمی كوردستان و وەزارەتی دارایی وادەی دەستپێكردنی دابەشكردنی مووچەی مانگی ڕابردووی ڕانەگەیاندووە، لەكاتێكدا بەشێك لە داهاتی نەوتیی مانگی ڕابردووی بۆ مووچەی مانگی ڕابردووتر خەرجكردووە و 200 ملیار دینارەكەی بەغدادیش نانێردرێت.
