ئاسایشی ڕۆژئاوای سلێمانی ڕایگەیاند، لەسەر ئەوەی چەند کەسێک تەقەی هەڕەمەکیان کردووە سێ کەس دەستگیرکراون.
ئاسایشی ڕۆژئاوای سلێمانی لە ڕاگەیەندراوێکدا کە وێنەیەکی دەست تۆڕی میدیایی ئێستا کەوتووە ئاشکرایکردووە، ” سێ کەس لەتەقەکەرانی هەڕەمەکی و دروستکردنی ترس و دڵەڕاوکێ لای هاوڵاتییان دەستگیرکران و ئەو کەسانە بە تەقەکردن دڵەڕاوکێیان لای خەڵکی دروستکردووە”.
ئاسایشی ڕۆژئاوا لە ڕاگەیەنراوەکەدا ئاشیکرایکردووە، “سێ کەس بەناوەکانی (س،ف،ع ) (گ،ن،م) (چ،ش،ح) نزیک زانکۆی چەرمۆ لەقەزای چەمچەماڵ دەستگیرکران کە پێشتر تەقەی هەڕەمەکیان کردبوو.
بە پێی ڕاگەیەنراوەکەی ئاسایش لە کاتی دەستگیرکردنی تۆمەتبارەکاندا دوو دەمانچەو یەک کڵاشینکۆف و ئۆتۆمبێلێکی جۆری (ئۆپترا)ی تەقەکەرەکان دەستی بەسەردا گیراوە.
ئاسایشی ڕۆژئاوا ئاماژەی بەوەکردووە، “تۆمەتباران دانیشتوی چەمچەماڵن ، لەئێستادا بەفەرمانی دادوەری دادگای لێکۆڵینەوە بەبڕیاری 570 ڕاگیراون”.
